|
|
|
|
|
|
|
|
|
|
|
|
Izen-ematea irekita! DalecandELA Festeko musika
kartelari gehitu zaizkion jarduera desberdinetan parte
har dezakezu esperientzia osoa bizitzeko.
Irailaren 18tik 21era, Getxoko Portu Zaharra (Bizkaia)
eszenatoki solidario bihurtuko da, doako sarrerarekin.
Musikaz gain, aktibitate artistikoak, kirol jarduerak,
umeentzako ekintzak eta kontzientziazio jarduerak izango
ditugu, dena gastronomia onenarekin batera. Guzti hau
ELA (esklerosi laterala amiotrofikoa) gaixotasuna
ezagutarazteko, ikerketarako eta gaixotasuna pairatzen
dutenentzat dirua biltzeko izango da.
Irailaren 20an, ELAren aldeko Travesía Occident
ibilbidea izango da. Larunbat arratsaldean, bi ibilbide
burutuko dira, bi eta lau kilometrokoak. Ekintza hau
Occident-ek babestuko du, eta Orca, DYA eta Swim Camp
Getxoren lankidetza berezia izango du; baita Abra Itsas
Klub Errealaren, Gurutze Gorriaren, Ur Irekien, Dive
Kabratxo eta Northwinden ekarpena ere.
Irailaren 21ean, igande goizean, Yoga tailerra
izango da protagonista. Ekintza hau Occident-ek
babestuko du eta Yoga Norte-ren lankidetza berezia
izango du.
Irailaren 20an eta 21ean, haurrentzako hainbat tailer
antolatuko dira, Kids & Us, Mago Oliver eta Liuba, eta
Vaca Rules (Buztin Tailerra) enpresen eskutik. 21ean,
igande arratsaldez, 6 eta 14 urte bitarteko neska-mutilentzako
Herri Kirol jardunaldia hasiko da. Horrez gain, kirol
honen diziplina desberdinen erakustaldia ere egongo da,
Bizkaiko Euskal Joko eta Kirol Federakundeak garatua. |
|
|
|
|
|
|
|
|
|
| |
Larunbateko jardunaldian zehar, ingurumenaren aldeko
jasangarritasun-tailerrak egingo dira Idom eta Sidenor
enpresen eskutik. Besteak beste, jaialdiaren gune
zehatzetan eta badian hondakin-bilketa,Gorlan, enpresa
patrozinatzailearen, boluntarioen parte-hartzearekin,
baita Mayor Steelen kolaborazioarekin. Goazen Up-en
ardurapean beira-bilketa antulatuko da, Vidrala eta
Ecovidrioren eskutik. Ekintza honek famililarteko
birziklapena sustatzea du helburu, eta beira ontzia
aukera egokiena dela berretsi: alde batetik, osasunerako
materialik seguruena delako; eta bestetik,
jasangarritasunean erreferentea delako, bere
iraunkortasunari eta %100ean birziklagarria izateari
esker.
Nobedade gisa, DalecandELA Fest edizio berri honetan,
Ciclos Olabarrietak karpa bat jarriko du sarreran.
Bertan, bizikletaz jaialdira hurbiltzen direnei
konponketa-zerbitzua eskainiko die, edozer gertatuz gero
konpontzeko aukera izan dezaten. Horrez gain, bizikleta-aparkalekua
egongo da, eta, gainera, cargo bizikletak zein hiri
bizikletak probatzeko aukera ere egongo da.
Kontzientziazio-ekintzen artean, AdELA EH nabarmentzen
da. Urteak daramatza ELA duten pertsonak zaintzen. "CuídELA"
haur eta nerabeei zuzendutako hainbat jarduera garatuko
dituzte karpan bertan, enpatia, errespetua eta elkar
zaintzearen balioa sustatzeko. Haurrentzako lehen
sorospen tailerrak eta helduentzako desfibriladore/CPR
tailerrak ere izango dira, DYAren eskutik.
Bigarren urtez, Tamoin enpresak parte hartuko du.
Boluntario talde batek laguntza eta sostengua eskainiko
die jaialdira hurbiltzen diren gaixoei eta behar
bereziak dituzten pertsonei. Irisbond enpresaren eskutik,
"Batalla Visual" teknologiaz gozatzeko aukera izango
dugu, "eye-tracking" teknologia erabiliz. Teknologia
honek hitz egiteko eta mugitzeko zailtasunak dituzten
pertsonei komunikazioa eta inguruarekiko interakzioa
errazten die, ELA duten pertsonen kasuan gertatzen den
bezala. Era berean, aurten ere Deloitte enpresako
langile talde batek parte hartuko du, eta jaialdiko
hainbat gunetan esperientzia eta laguntza eskainiko du,
ekimen solidario honekin bat eginez.
Arteak ere bere tokia izango du, muralismo ekintza baten
bidez: camper bat zuzenean margotuko da, Yamurals
enpresaren eskutik. |
|
|
|
|
 |
|
|
DalecandELA elkarteari buruz:
2019an sortu zenetik, DalecandELA elkartearen
helburua ELA gaixotasuna gizarte, gobernu eta erakundeen
aurrean ikusgai jartzea izan da. Horrez gain,
ikerketarako eta gaixotasuna pairatzen dutenen bizi-kalitatea
hobetzeko dirua biltzen dute, bizitza honetan
garrantzitsuena bidea dela helaraziz.
Horretarako, elkarteak hainbat ekintza eta jardunaldi
antolatzen ditu, hala nola erakusketa artistikoak, kirol
jarduerak, bidaiak, hitzaldi motibazionalak eta
desafioak. Gainera, soinu banda propioa ere badu,
helburu solidarioekin Getxoko musika-taldeek grabatua. |
|
|
|
|
|
|
|
|
 |
|
|
|
|
|
